İstifadə şərtləri

Platformadan istifadə qaydaları: hesab, təhlükəsizlik, icazələr, qadağan davranış və öhdəliklər.

Sistemə giriş və ya istifadə bu İstifadə şərtlərinin qəbulu sayılır.

1. Kimə aiddir

1. Bu şərtlər məkan sahibi, director, admin, resepsiya, ofisiant və digər işçi hesablarına aiddir.
2. Müştəri (məkan) öz işçilərinin bu qaydalara riayət etməsinə cavabdehdir.
3. Ziddiyyət yaranarsa, Xidmət müqaviləsi kommersiya/ödəniş məsələlərində, bu sənəd isə istifadə davranışı üzrə tətbiq olunur.

2. Hesab və giriş

1. Hər istifadəçi yalnız özünə verilmiş hesabla daxil olmalıdır. Hesabın başqasına ötürülməsi qadağandır (sahibkarın yazılı razılığı olmadan).
2. Şifrə və giriş məlumatları məxfi saxlanmalıdır. Şübhəli giriş və ya sızma dərhal sahibkara və mümkün olduqda Heselo-ya bildirilməlidir.
3. Director e-poçtu və digər əlaqə məlumatları aktual saxlanmalıdır.

3. İcazələr və qoruma kodu

1. İşçi icazələri sahibkar / səlahiyyətli şəxs tərəfindən qurulur. Kimə hansı hüququn verilməsi Müştərinin məsuliyyətidir.
2. Qoruma kodu həssas əməliyyatlar üçündür. Kodun işçiyə və ya üçüncü şəxsə sızdırılmasına Heselo cavabdeh deyil.
3. Qoruma kodu tələb olunan əməliyyatı kod olmadan keçirməyə cəhd etmək qadağandır.

4. Düzgün istifadə

İstifadəçilər Sistemi yalnız məkanın qanuni biznes əməliyyatları üçün istifadə etməlidir:

• rezervasiya, sessiya, kassa və hesabatların düzgün qeydi;
• müştəri və ödəniş məlumatlarının həqiqətə uyğun daxil edilməsi;
• Heselo bələdçilərinə və məkan daxili qaydalara riayət.

5. Qadağan olunan hərəkətlər

1. Sistemi sındırmaq, təhlükəsizliyi aşmaq, reverse engineering və ya zərərli proqram yerləşdirmək.
2. Digər məkanların və ya istifadəçilərin məlumatına müdaxilə etmək.
3. Saxta rezervasiya, saxta ödəniş, borcun gizlədilməsi və ya hesabatların bilərəkdən təhrif edilməsi.
4. Avtomatik skript / bot ilə icazəsiz kütləvi sorğu və ya məlumat çıxarılması (Heselo-nun yazılı icazəsi olmadan).
5. Qanunsuz məzmun saxlamaq və ya Sistemi qanunazidd məqsədlə istifadə etmək.
6. Brend, loqo və ya interfeysi Heselo razılığı olmadan kopyalamaq və təkrar satmaq.

6. Məlumatlar və yoxlama

1. Məkana aid əməliyyat məlumatlarının düzgünlüyünü yoxlamaq Müştərinin və istifadəçilərin borcudur.
2. Hesabatların müntəzəm Excel / export ilə yedəklənməsi tövsiyə olunur; ətraflı qaydalar Xidmət müqaviləsindədir.
3. Şəxsi məlumatlar (qonaq, işçi) yalnız qanuni əsas və məkan ehtiyacı çərçivəsində emal edilməlidir.

7. Dayandırma

1. Bu şərtlərin pozulması Heselo-ya girişi məhdudlaşdırmaq və ya dayandırmaq hüququ verir.
2. Ciddi pozuntu Xidmət müqaviləsi üzrə xitam və borc tələbi ilə birlikdə tətbiq oluna bilər.
3. Təhlükəsizlik riski olduqda Heselo dərhal müvəqqəti tədbir görə bilər.

8. Əqli mülkiyyət

1. Sistemin proqram təminatı, dizaynı və sənədləri Heselo-ya məxsusdur.
2. Müştəriyə yalnız Xidmət müqaviləsi və Plan çərçivəsində istifadə hüququ verilir; mülkiyyət ötürülmür.

9. Dəyişikliklər

1. Heselo bu İstifadə şərtlərini yeniləyə bilər. Yenilənmiş mətn Sistem → Sənədlər bölməsində dərc olunur; əhəmiyyətli dəyişiklikdə director e-poçtuna bildiriş göndərilə bilər.
2. Dərcdən sonra Sistemdən istifadənin davamı qəbul sayılır.

10. Hüquq və dil

1. Bu şərtlər Azərbaycan Respublikasının qanunvericiliyinə tabedir.
2. Dillər ziddiyyət təşkil edərsə, Azərbaycan dili üstünlük təşkil edir.